Niderlandın xarici işlər naziri Azərbaycan sərhədinə gəlib

Niderlandın xarici işlər naziri Kaspar Veldkamp və onun rəhbərlik etdiyi nümayəndə heyətinin üzvləri Ermənistan-Azərbaycan şərti sərhədinə gəliblər.

APnews xəbər verir ki, bu barədə Niderlandın XİN başçısı "X" hesabında paylaşım edib.

Veldkamp Avropa İttifaqının Ermənistandakı Monitorinq Missiyasının üzvləri ilə görüşüb. Missiyanın müşayiəti ilə sərhədə gəlib və burada monitorinq prosesində iştirak edib.

Qeyd edək ki, Niderlandın XİN başçısının rəhbərlik etdiyi nümayəndə heyəti ötən gün Ermənistana səfər edib, Veldkamp Ermənistanın xarici işlər naziri Ararat Mirzoyanla görüşüb.